عمان: اردن کی بندرگاہ پر زہریلی گیس سے 13 افراد ہلاک ہو گئے۔
تفصیلات کے مطابق پیر کو اردن کی عقبہ بندر گاہ پر موجود ایک ٹینک پھٹ گیا، جس سے زہریلی کلورین گیس خارج ہونے کی وجہ سے تیرہ افراد ہلاک اور 251 زخمی ہو گئے۔
زہریلی گیس کے اخراج کے بعد آس پاس پیلے رنگ کی گیس کے بادل چھا گئے، حادثہ اس وقت پیش آیا جب جبوتی کو برآمد کی جانے والی 25 ٹن کلورین گیس سے بھرا ایک ٹینک ٹینکر پر منتقلی کے دوران گر گیا۔
ویڈیو فوٹیج میں دیکھا جا سکتا ہے کہ ایک کرین ٹرک سے گیس سے بھرے ٹینک کو اوپر اٹھاتی ہے، اور ٹینک بندرگاہ پر لنگر انداز ٹینکر کے عرشے پر گرتا ہے اور دھماکے سے پھٹ جاتا ہے۔
BREAKING: Authorities said a poisonous gas leak in Jordan's southern port city of Aqaba on Monday killed at least ten people and injured 250 others. pic.twitter.com/kKuVhaZhWq
— BNN Newsroom (@BNNBreaking) June 27, 2022
مقامی حکام نے زخمیوں کو اسپتالوں میں منتقل کرنے کے بعد علاقے کو سیل کر دیا اور لیک سے نمٹنے کے لیے ماہرین کو بھیجا، سول ڈیفنس سروس نے اپنے فیس بک پیج پر کہا کہ خصوصی ٹیمیں تاحال لیک سے نمٹ رہی ہیں۔
سرکاری حکام نے شہریوں کو ہدایات کی ہیں کہ گھروں کی کھڑکیاں بند رکھیں اور گھروں سے باہر نہ نکلیں، اردن کے وزیرِ اعظم نے واقعے کی تحقیقات کے لیے ٹیم تشکیل دے دی۔
