The news is by your side.

Advertisement

کورونا وائرس : اردن حکومت کا معیشت کی بہتری کیلئے اہم فیصلہ

عمان : اردن حکومت نے کورونا وائرس کے باعث تقریبا چھ ماہ کی بندش کے بعد آئندہ منگل سے اپنے مرکزی ایئرپورٹ کو معمول کی پروازوں کے لیے دوبارہ کھولنے کا اعلان کیا ہے۔

اردن عالمی وبا کورونا وائرس سے بری طرح متاثرہونے والی معیشت کو بحال کرنے کی کوشش میں مصروف عمل ہے، اردن کی معیشت کا زیادہ تر انحصار شعبہ سیاحت پر ہے۔

غیر ملکی خبر رساں ادارے کے مطابق اردن کے وزیر اطلاعات نے پریس کانفرنس میں کہا کہ کورونا وائرس کرائسز سیل نے منگل 8 ستمبر سے کوئین عالیہ انٹرنیشنل ائیر پورٹ سے عام پروازیں دوبارہ شروع کرنے کا فیصلہ کیا ہے۔

انہوں نے مزید کہا کہ متعلقہ حکام آنے والے مسافروں سے ان کے ممالک میں کورونا وائرس کی صورتحال کے حوالے سے ضوابط طے کریں گے، اردن پہنچنے پر تمام مسافروں کا کورونا ٹیسٹ لیا جائے گا۔

یاد رہے کہ اردن میں کورونا وائرس کے دو ہزار 161 کیسز ریکارڈ کیے گئے تھے جبکہ اب تک یہاں پندرہ اموات ہوئی ہیں، رواں سال مارچ کے وسط میں اردن نے اپنے ائیر پورٹ بند کرکے بین الاقوامی پروازوں کو معطل کردیا تھا جس سے سیاحت کا شعبہ زیادہ متاثر ہوا ہے، کورونا وائرس نے نفع بخش میڈیکل ٹورازم انڈسٹری کو بھی متاثر کیا ہے۔

یاد رہے کہ اردن سالانہ 50 لاکھ سیاحوں کا خیر مقدم کرتا ہے، سیاحت ملک کے جی ڈی پی کا 14 فیصد ہے،سیاحت سے اردن کو گذشتہ سال 5.3 بلین ڈالر کی آمدنی ہوئی تھی۔

Comments

یہ بھی پڑھیں