عمان: اردن میں ٹی وی چینل کے لائیو پروگرام کے دوران معروف تجزیہ کار سو گئے، میزبان انہیں جگانے کی کوشش کرتی رہی تاہم انہوں نے آنکھیں نہ کھولیں۔
تفصیلات کے مطابق ٹی وی کی براہ راست نشریات کے دوران معمولی سی غلطی بھی بڑے مذاق کا سبب بن سکتی ہے ایسا ہی کچھ اردن کے ٹی وی چینل میں سوڈانی مہمان تجزیہ کار کے ساتھ ہوا، میزبان اینکر سوال پوچھتی رہی لیکن مہمان ٹس سے مس نہ ہوئے۔
میزبان کو اٹھانے کی کوشش کرنے والی مہمان اینکر نے ہمت ہار دی اور بالآخر انہیں جگانے کے لیے میزبان کو بریک کا سہارا لینا پڑا۔
میزبان کے سونے کی ویڈیو سوشل میڈیا پر وائرل ہوگئی اور کئی افراد اس واقعے پر بے ساختہ ہنس رہے ہیں اور کچھ افراد کی جانب سے اس پر مختلف رائے دی جارہی ہیں۔
انٹرویو کے دوران سعید ملک صاحب کو نیند آگئی pic.twitter.com/OKzvAOlg12
— Platpharm (@platpharm) March 25, 2019
مزید پڑھیں: رپورٹر کی لائیو نشریات کے دوران تھوک لگا کر بال سیٹ کرنے کی ویڈیو وائرل
واضح رہے کہ گزشتہ روز امریکی ٹی وی چینل کے رپورٹر کی براہ راست نشریات کے دوران تھوک لگا کر بال سیٹ کرنے کی ویڈیو وائرل ہوگئی تھی۔
امریکی نیوز چینل ایم ایس این بی سی کے ساتھی اینکر علی ویلسائی نے نیوز سیگمنٹ میں داعش کے جنگجو سے متعلق شام کے حالات پر رپورٹر کی رائے لینا چاہی تو وہ تھوک لگا کر بال بنانے میں مصروف تھے۔
رپورٹ کے مطابق 2001 میں ریلیز ہونے والی فلم ’دی ویڈنگ پلانر‘ میں ہالی ووڈ اداکارہ جنیفر لوپز نے اسی طرح ہاتھوں میں تھوک لگا کر اپنے بال بنائے تھے۔
یاد رہے کہ گزشتہ ماہ امریکی ٹی وی چینل فوکس نیوز کے اینکر نے اعتراف کیا تھا کہ انہوں نے دس برس سے اپنے ہاتھ نہیں دھوئے ہیں، اینکر پرسن پیٹ ہیگسیتھ کا کہنا تھا کہ کوئی جراثیم نہیں ہوتے، جراثیم حقیقی چیز نہیں ہے اور مجھے ہاتھ دھوئے ہوئے دس برس کا عرصہ بیت چکا ہے۔
