ورلڈکپ کے افتتاحی میچ سے قبل پریس کانفرنس کے دوران بھاتی صحافی کے احمقانہ سے سوال پر انگلش کپتان جوز بٹلر کی ہنسی چھوٹ گئی اور وہ حیرانی سے انھیں دیکھتے رہے۔
انگلش کپتان جوز بٹلر سے وہاں موجود بھارتی صحافی نے سوال کیا کہ جیمز اینڈرسن اور اسٹورٹ براڈ جو کہ حال ہی میں کرکٹ سے ریٹائرڈ ہوئے ہیں ان کی ٹیم میں عدم موجودگی ٹورنامنٹ میں انگلینڈ کی فاسٹ بولنگ کو متاثر کرے گی؟
صحافی کے اس اوٹ پٹانگ سوال پر بٹلر کی حیرانی دیدنی تھی جب کہ وہ مسکراتے رہے کہ جیمز اینڈرسن اور براڈ تو گزشتہ 8 سالوں سے انگلینڈ کی ون ڈے ٹیم کا حصہ ہی نہیں ہیں۔
انگلینڈ کے کپتان نے سوال کا جواب پرمزاح انداز میں دیتے ہوئے کہا کہ میرے خیال میں جمی (جیمز اینڈرسن) اب بھی سلیکشن کے لیے دستیاب ہے تاہم وہ 2015 سے کوئی او ڈی آئی نہیں کھیلا۔ اسٹورٹ براڈ کو بھی او ڈی آئی کھیلے اتنا ہی وقت ہوچکا ہے۔ وہ تو اب ریٹائرڈ ہو چکے ہیں۔
These indian journalists are so embarrassing trust mepic.twitter.com/iEKqNyUehO https://t.co/FN486INozE
— Archer (@poserarcher) October 4, 2023
واضح رہے کہ اسٹورٹ براڈ نے ون ڈے انٹرنیشنل میں آخری بار 14 فروری 2016 کو جنوبی افریقا کیخلاف میدان میں اترے تھے۔ جیمز اینڈرسن نے اپنا آخری ون ڈے انٹرنیشنل میچ 2015 میں افغانستان کے خلاف کھیلا تھا۔ دونوں 2019 کے ورلڈ کپ اسکواڈ میں بھی نہیں تھے۔
Lowest of all lows in journalism. Absolutely disgusting. This Dave guy whoever he is should be fired immediately. Even my grandmother knows that Anderson Broad don’t play LOIs FFS. https://t.co/PWVtch4HRt
— Karan Wadekar (@karan_rw) October 4, 2023
سوشل میڈیا صارفین بھاتی صحافی کو اس کی کم علمی پر آرے ہاتھوں لے رہے ہیں، ایک صارف نے لکھا کہ اس رپورٹر سے زیادہ کرکٹ کی معلومات تو میری دادی کو ہے۔
