کراچی/لاہور: شہرقائد میں 24 گھنٹوں کے دوران دو صحافیوں کے قتل کے خلاف صحافی برادری نے کراچی پریس کلب پر احتجاج کیا۔
تفصیلات کے مطابق کراچی پریس کلب پر کراچی یونین آف جرنلسٹ کی جانب سے سینئر صحافی آفتاب عالم اور نجی نیوز چینل کے سینئر سیٹلائٹ انجینئرارشد علی جعفری کے قتل پر سنگین خدشات کا اظہار کیا گیا۔
انہوں نے حکام سے قاتلوں کو گرفتار کرنے اور میڈیا کے اہلکاروں کی حفاظت کو یقینی بنانے کا مطالبہ بھی کیا۔
اسی طرح کا ایک مظاہرہ لاہور میں کیا گیا جس کے دوران احتجاج کرنے والوں نے ارشد علی جعفری اور آفتاب عالم کے قتل کو ‘ظلم کی بدترین مثال’ قرار دیا۔
انہوں نے ملزمان کی فوری گرفتاری کا مطالبہ کیا اور کوئی کارروائی نہیں ہونے کی صورت میں میڈیا کے نمائندوں کی طرف سے ملک بھر میں احتجاجی مہم کے بارے میں بھی خبردار کردیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں