لاہور: صحافی عمران ریاض خان کو کیمپ جیل سے رہا کردیا گیا۔
اے آر وائی نیوز کے مطابق زمان پارک پولیس تشدد کیس میں ضمانت منظور ہونے کے بعد صحافی عمران ریاض کو کیمپ جیل سے رہا کیا گیا ہے۔
انسداد دہشت گردی کی عدالت نے زمان پارک حملہ کیس میں صحافی عمران ریاض کی ضمانت منظور کی تھی۔
صحافی عمران ریاض کو 27 مارچ کو پولیس پر حملے اورتوڑ پھوڑ کے مقدمے میں گرفتار کیا گیا تھا۔ پولیس نے عمران ریاض کو ایک ہفتہ قبل لاہور کی انسداد دہشت گردی کی عدالت میں پیش کرکے جسمانی ریمانڈ کی استدعا کی تھی۔
عدالت نے اینٹی کرپشن کے مقدمے میں عمران ریاض کی ضمانت منظور کرتے ہوئے ایک لاکھ روپے کا مچلکہ جمع کروانے کا حکم دیا تھا۔
