اسلام آباد : صحافی مطیع اللہ جان کے جسمانی ریمانڈ کا فیصلہ اسلام آباد ہائیکورٹ میں چیلنج کردیا گیا۔
تفصیلات کے مطابق صحافی مطیع اللہ جان کے جسمانی ریمانڈ کے فیصلے کیخلاف اسلام آباد ہائی کورٹ میں درخواست دائر کردی گئی، درخواست میں مؤقف اپنایا کہ مطیع اللہ جان کو جھوٹے اور من گھڑت مقدمے میں گرفتار کیا گیا.
یاد رہے اسلام آباد پولیس نے صحافی کی گرفتاری ظاہر کرتے ہوئے آگاہ کہا تھا کہ ان کو انسداد دہشت گردی ایکٹ کے مقدمے میں گرفتار کیا گیا ہے۔
ایف آئی آر میں کہنا تھا کہ ملازمین کو تیز رفتار گاڑی کے ذریعے جان سےمارنے کی کوشش کی گئی، ملازمین کی جانب سے بیریئر پھینک کرگاڑی کوروکا گیا، ملزم نشے کی حالت میں پایا گیا اور گاڑی کی سیٹ کے نیچے سے آئس برآمدکی گئی۔
بعد ازاں اسلام آباد کی انسداد دہشت گردی کی عدالت نے سینئر صحافی کو جسمانی ریمانڈ پرپولیس کے حوالے کیا تھا، صحافی کے خلاف سرکار کی مدعیت میں تھانہ مارگلہ میں مقدمہ درج ہے، مقدمے میں انسداد دہشت گردی سمیت دیگر دفعات شامل کی گئی ہیں۔
