ملتان: جج ارشد ملک اسکینڈل میں متنازع ویڈیو کے ایک اور کردار میاں طارق کا دفتر اے آر وائی نیوز نے ڈھونڈ نکالا۔
تفصیلات کے مطابق میاں طارق محمود ملتان کا رہائشی ہے، میاں طارق کی فوارہ چوک کے قریب طارق ٹی وی سینٹر کے نام سے دکان ہے.
موصولہ اطلاعات کے مطابق طارق محمود معاملات طے کرانے میں ماہر سمجھا جاتا ہے، اسی شخص نے جج کی ملتان میں تعیناتی کےدوران مبینہ ویڈیو حاصل کی، طارق محمود اسمگل شدہ ٹی وی، ایل ای ڈیز کی خرید و فروخت میں بھی ملوث ہے.
ذرائع کے مطابق طارق محمود کا بڑا بھائی میاں ادریس اسمگلنگ کیس میں گرفتار رہ چکا ہے، میاں طارق کے پاس کئی اہم شخصیات کی مبینہ ویڈیوزبھی موجود ہیں، ویڈیو منظرعام پرآنے کے بعد جج ارشد ملک میاں طارق سے ملنے ملتان بھی آئے.
مزید پڑھیں: جج ارشد ملک کے بیان حلفی میں تہلکہ خیزانکشافات
اطلاعات کے مطابق جج ارشد ملک نے اپنےحلف نامےمیں میاں طارق اور اس کے بیٹے کا ذکرکیا ہے، جج نے کہا ہے کہ میاں طارق، اس کے بیٹے نے مجھےغیراخلاقی ویڈیو دکھائی، دونوں نے کہا کہ یہ ویڈیوان دنوں کی ہے، جب آپ ملتان میں تعینات تھے.
ذرائع کے مطاقب میاں طارق کی فیملی کا کہنا ہے کہ 10 جولائی سے میاں طارق سے رابطہ نہیں ہوا، میاں طارق محمود کا موبائل فون بھی بند ہے، حیرت انگیزبات یہ ہے کہ اب تک پولیس رپورٹ بھی نہیں کرائی گئی۔
خیال رہے کہ میاں طارق محمود ہر دور میں اعلیٰ افسران وسیاسی شخصیات سےرابطےمیں رہا، میاں طارق محمود کو تعلقات بنانے کا ماہر بھی سمجھا جاتا ہے.
