کراچی: معروف ٹی وی میزبان اور اداکارہ جگن کاظم کا کہنا ہے کہ انہوں نے اپنی زچگی کے چند دن بعد ہی لوگوں کے طعنوں سے تنگ آ کر وزن کم کرنے کے لیے ورزش شروع کردی جس سے ان کی طبیعت خراب ہوگئی تھی۔
معروف ٹی وی میزبان اور اداکارہ جگن کاظم کا کہنا ہے کہ دوسری بچی کی پیدائش کے بعد ان پر وزن کم کرنے کے لیے اتنا دباؤ تھا کہ انہوں نے چند دن بعد ہی ورزش شروع کردی جس سے ان کی حالت بگڑ گئی۔
View this post on Instagram
جگن کا کہنا ہے کہ انہوں نے لوگوں کے دباؤ میں آ کر یہ قدم اٹھایا اور اس پر سخت شرمندہ ہیں۔
انہوں نے دوران حمل خواتین کے وزن بڑھ جانے کے معاملے پر لوگوں کے طعنوں پر بات کرتے ہوئے بتایا کہ انہیں گینڈا جیسے لفظ سے بھی پکارا گیا۔
جگن کا کہنا تھا کہ وہ لوگوں کی باتیں سن کر باتھ روم میں چھپ کر رویا کرتی تھیں، انہیں ایسا لگتا تھا جیسے انہوں نے بچے کو جنم دے کر غلطی کرلی۔
View this post on Instagram
انہوں نے کہا کہ لوگوں کی جانب سے ایسے نامناسب رویے کو ختم ہونا چاہیئے اور لوگوں کو احساس ہونا چاہیئے کہ ان کا مذاق دوسرے کے لیے پریشانی اور دباؤ کا سبب بن سکتا ہے۔
یاد رہے کہ جگن کاظم کا پہلی شادی سے ایک بیٹا ہے جس کی عمر 15 سال ہے، انہوں نے دوسری شادی سنہ 2013 میں کی جس سے سنہ 2014 میں ایک بیٹا اور 2020 میں دوسری بیٹی ہوئی۔
