site
stats
اہم ترین

جےیو آئی (ف) کے رہنما مولاناعطااللہ شاہ قاتلانہ حملے میں جاں بحق

Dera Ismail Khan

ڈی آئی خان: صوبہ خیبر پختونخواہ کے شہر ڈی آئی خان میں نامعلوم افراد کی فائرنگ سے جےیو آئی (ف) کے رہنما مولاناعطااللہ شاہ جاں بحق ہوگئے۔

تفصیلات کے مطابق ڈی آئی خان میں نیوبنوں چنگی کےقریب قاتلانہ حملے میں جمعیت علمائے اسلام (ف) کے رہنما مولاناعطااللہ شاہ جاں بحق ہوگئے۔

جےیو آئی (ف) کے رہنما مولاناعطااللہ شاہ مقامی مسجد میں پیش امام اورخطیب بھی تھے۔


ڈپٹی چیئرمین سینیٹ کے قافلے پر بم حملہ، 25 افراد جاں بحق


خیال رہے کہ رواں سال مئی میں بلوچستان کے شہر مستونگ میں ڈپٹی چیئرمین سینیٹ مولانا عبدالغفور حیدری کے قافلے پر بم حملہ ہوا تھا جس میں 25 افراد جاں بحق ہوگئے تھے۔ دھماکے میں ڈپٹی چیئرمین سینیٹ سمیت درجنوں افراد زخمی ہوئے تھے۔


جے یو آئی (ف) کے رہنما مولانا امیر حمزہ قاتلانہ حملے میں جاں بحق


یاد رہے کہ 27 مارچ 2015 کو نوشہرہ کے علاقے مدینہ کالونی میں نامعلوم افراد کی فائرنگ سے جے یو آئی (ف) کے ضلعی رہنما مولانا امیر حمزہ جاں بحق ہو گئے تھے۔

اس سے قبل سنہ 2104 میں مولانا فضل الرحمٰن کی گاڑی کے قریب ایک خودکش بمبار نے اس وقت خود کو دھماکے سے اڑا دیا تھا جب وہ جمیعت علمائے اسلام کی ریلی سے خطاب کے بعد واپس جارہے تھے۔

مذکورہ واقعے میں 2 افراد جاں بحق ہوئے تھے۔ اس دھماکے میں بھی مولانا محفوظ رہے تاہم ان کی بلٹ پروف گاڑی مکمل طور پر تباہ ہوگئی تھی۔

واضح رہےکہ سنہ 2011 میں جمیعت علمائے اسلام کے امیر مولانا فضل الرحمٰن کے قافلے پر یکے بعد دیگرے 2 خودکش دھماکے کیے گئے جن میں مولانا محفوظ رہے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top