چمن : جمیعت العلمائے اسلام (ف)کےرہنمامولانامحمد حنیف کی نمازہ جنازہ اداکردی گئی، اس موقع پرچمن اور کوئٹہ شہر میں شٹر ڈاؤن ہڑتال جاری ہے۔
تفصیلات کے مطابق جے یو آئی (ف) کے رہنما مولانا محمد حنیف کی نماز جنازہ آج چمن میں ادا کی گئی ہے۔ جےیوآئی (ف)رہنمامولانا محمدواصف،عثمان کاکڑ اوردیگررہنما شریک ہوئے۔
نمازجنازہ میں جمعیت العلمائے اسلام کے رہنماؤں اور اراکین کے ساتھ ساتھ شہریوں کی بڑی تعداد نےبھی شرکت کی۔ مولانا محمد حنیف گزشتہ روزچمن کےتاج روڈ پردھماکےکےنتیجےمیں جاں بحق ہوگئے تھے۔
اس حوالے سے کوئٹہ میں بھی چمن بم دھماکے اور مولانا محمد حنیف کی جاں بحق ہونے کے خلاف جے یو آئی کی کال پر شٹر ڈاون ہڑتال کی جارہی ہے جس کے سبب اہم تجارتی مراکز بند ہیں اور سڑکوں پر ٹریفک معمول سے انتہائی کم ہے، اتوار کا دن ہونے کے سبب تعلیمی ادارے پہلے ہی بند ہیں جس کے سبب شہر میں مکمل ہڑتال کا سما ہے۔
وزیر اعظم عمران خان کو گزشتہ روز نیویارک میں چمن دھماکے کی خبر دی گئی تھی ، انھوں نےاس واقعے کی مذمت کرتے ہوئے غم زدہ خاندانوں سے اظہار تعزیت کیا اور صبر جمیل کی دعا کی۔وزیر اعظم عمران خان نے زخمیوں کو بہترین طبی امداد فراہمی کی ہدایت بھی کی۔
گزشتہ روز صوبہ بلوچستان کے شہر چمن میں تاج روڈ پر جمیعت علمائے اسلام (ف) کے رہنما مولانا محمد حنیف کے قافلے پر دھماکا کیا گیا تھا ، جس کے نتیجے میں مولانا محمد حنیف سمیت 3 افراد جاں بحق اور 9 زخمی ہوئے تھے ۔
