لاڑکانہ :جے یو آئی ف کے کارکنان نوڈیرو ہاؤس کے قریب سراپا احتجاج بن گئے، بے نظیر بھٹو کی برسی کی تقریبات میں شرکت کے لئے آنے والے اسپیکرسندھ اسمبلی آغا سراج درانی کو بھی واپسی کی راہ لینی پڑگئی.
کارکنان کا مطالبہ تھا کہ ان کے رہنما خالد سومرو کے قتل کا مقدمہ فوجی عدالت میں منتقل کیا جائے، انتظامیہ کی یقین دہانی پر مظاہرین نے احتجاج ختم کردیا۔
جے یو آئی ف کے کارکنان نوڈیرو ہاؤس کے قریب لاڑکانہ اور گڑھی خدا بخش کے مرکزی راستے کو دھرنا دے کر بند کردیا، کارکنان کا مطالبہ تھاکہ ان کے رہنما خالد سومرو کے قتل کا مقدمہ فوجی عدالت میں منتقل کیاجائے۔
اسپیکر سندھ اسمبلی آغا سراج درانی بے نظیر بھٹوکی برسی کی تقریبات میں شرکت کے لئے پہنچے تو ان کا سامنا سراپا احتجاج جے یو آئی ف کے کارکنان سے ہوا۔ آغا سراج درانی نے گاڑی کا دروازہ کھولا مگر کارکنان کے ارادے بھانپ گئے اور انہوں واپسی کی راہ لے لی.