اسلام آباد: جمعیت علماء اسلام (ف) نے اے اور بی کے بعد پلان ’سی ‘ کا بھی اعلان کردیا۔
تفصیلات کے مطابق جے یو آئی (ف) نے پلان سی کے تحت ملک بھر کےاضلاع میں جلسے اور احتجاجی ریلیوں کے انعقاد کا فیصلہ کیا ہے۔
اپوزیشن کی رہبرکمیٹی کے کنونیئر اکرم درانی نے میڈیا سے بات کرتے ہوئےملک بھرمیں احتجاجی دھرنے ختم کرکے سڑکیں کھولنےکااعلان کیا ہے۔
ان کا کہنا ہے کہ آج رات سےکارکن رہبرکمیٹی کی ہدایت پرسڑکیں کھول دیں، 4 نکات کاحصول ہمارانصب العین ہے، حکومت بوکھلاہٹ کاشکارہے،عمران خان گھرجائیں گے۔
اکرم درانی کا کہنا تھا کہ سڑکیں اورشاہراہیں بندنہیں کی جائیں گی بلکہ ضلعی سطح پر جلسےہوں گے، رہبر کمیٹی کی تجویزہےفوری اےپی سی بلائی جائے جب کہ رہبرکمیٹی نےحکومت پردباؤبڑھانےکی پالیسی کودرست قراردیا ہے۔
اکرم درانی کے بقول نوازشریف سےمتعلق عدلیہ کےفیصلےپرعمران خان بوکھلاگئے اب سڑکیں بندنہیں ہوں گی تمام اضلاع کی سطح پرمشترکہ جلسےہوں گے،الیکشن کمیشن کےممبران کی مشترکہ نامزدگی کی جائےگی۔
واضح رہے کہ جمعیت علماء اسلام(ف) کی حکومت مخالفت احتجاجی تحریک کے تحت 31 اکتوبر کو ’آزادی مارچ‘ اسلام آباد میں داخل ہوا اور 14 روز تک دھرنا دیے رکھا۔
جس کے بعد مولانا فضل الرحمان نے آزادی مارچ ختم کرتے ہوئے پلان بی کے تحت ملک بھر کی اہم شاہراؤں اور داخلی راستوں پر دھرنے دینے کا اعلان کیا تھا، سڑکوں کی بندش کے باعث مسافروں کو شدید پریشانی کا سامنا کرنا پڑا تھا۔
