The news is by your side.

Advertisement

کراچی میں جے یو آئی کے رہنما فائرنگ سے شدید زخمی

کراچی: جمعیت علماء اسلام (ف) کے مقامی رہنما مولانا گل حسن زئی نامعلوم افراد کی فائرنگ سے شدید زخمی ہوگئے۔

پارٹی کے مرکزی رہنما قاری محمد عثمان کے مطابق واقعہ سائٹ کے علاقے ہارون آباد میں پیش آیا جہاں نامعلوم مسلح افراد نے مولانا گل حسن کو نشانہ بناتے ہوئے براہ راست گولیاں چلائیں۔

قاری محمد عثمان کا کہنا ہے کہ 2 گولیاں مولانا گل رفیق حسن زئی کے سر میں لگی جس سے وہ شدید زخمی ہوگئے اور انہیں فوری طور پر سول اسپتال کے ٹراما سینٹر منتقل کیا گیا ہے جہاں ڈاکٹرز ان کی جان بچانے کی کوشش کر رہے ہیں۔

زخمی مولاناگل رفیق حسن زئی کے قریبی عزیز عبدالرشیدنے سول اسپتال میں گفتگو کرتے ہوئے بتایا کہ مولانا گل رفیق موٹرسائیکل پرسوار تھے اور گھر کی جانب جا رہے تھے، مسلح ملزمان نے مولاناگل رفیق کودوگولیاں ماریں۔

دوسری جانب پولیس نے واقعے کے بعد جائے وقوعہ سے ابتدائی شواہد اکٹھے کر کے تفتیش شروع کردی ہے اور بیانات قلمبند کیے جارہے ہیں۔

fb-share-icon0
Tweet 20

Comments

comments

یہ بھی پڑھیں