کراچی : ملک بھر میں جمعۃ الوداع نہایت عقیدت و احترام کیساتھ منایا گیا، نماز جمعہ کے خصوصی اجتماعات منعقد ہوئے، جن میں ملک اور امت مسلمہ کی سلامتی استحکام اور اتحاد کیلئے خصوصی دعائیں کی گئیں۔

دنیا بھر کی طرح پاکستان میں بھی جمعتہ الوداع انتہائی عقیدت و احترام کے ساتھ منایا گیا، اس موقع پر سیکیورٹی کے انتہائی سخت انتظامات کئے گئے تھے، ملک بھرکی طرح کراچی میں بھی جمعتہ الوداع نہایت عقیدت واحترام کے ساتھ منایا گیا۔

جمعتہ الوداع کے اجتماعات میں ملک کی سلامتی و استحکام، دہشت گردی کے خاتمے اور امت مسلمہ کی سربلندی کیلیے خصوصی دعائیں کی گئیں نیٹ لاہور،اسلام آباد اور راولپنڈی میں بھی جمعتہ الوداع کے موقع پر مساجد میں خصوصی انتظامات کیے گئے، دہشت گردی کے خدشے کے پیش نظر مساجد اور امام بارگاہوں کے باہر سکیورٹی نہایت سخت تھی۔

پشاور میں بھی جمعتہ الوداع کے روح پرور اجتماعات منعقد کئے گئے کوئٹہ میں دھماکے کے بعد پشاور میں جمعتہ الوداع پر مساجد کیلئے پولیس کی اضافی نفری تعینات کرکے سیکورٹی سخت کردی گئی۔

جمعۃ الوداع کے موقع پر سکھر شہر میں بھی سکیورٹی کے سخت اقدامات کئے گئے تھے، مساجد امام بارگاہوں سمیت مختلف چوراہوں اور بازاروں میں پولیس کی بھاری نفری تعینات کی گئی تھی۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔