لاہور: وزیر اعلیٰ پنجاب مریم نواز کے صاحب زادے جنید صفدر کا رشتہ دوبارہ طے پا گیا ہے۔
پارٹی ذرائع کے مطابق وزیر اعلیٰ پنجاب مریم نواز کے صاحبزادے جنید کا رشتہ طے پا گیا ہے، جنید صفدر کا رشتہ نواز شریف کے عزیزوں میں طے پایا ہے۔
جنید صفدر کا رشتہ ڈیڑھ ماہ قبل لاہور کی فیملی میں طے پایا، جنید برطانیہ سے تعلیم مکمل کرنے کے بعد لاہور میں قیام پذیر ہیں۔
یاد رہے کہ اس سے قبل 2021 میں جنید کی عائشہ سیف (قطر کے صنعت کار سیف الرحمان خان کی بیٹی) سے شادی ہوئی تھی، تاہم یہ شادی زیادہ نہ چل سکی اور اکتوبر 2023 میں جنید نے اہلیہ سے علیحدگی کی تصدیق کی۔
شادی پر جنید صفدر نے 30 لاکھ کی شال پہنی؟
ذرائع کے مطابق دونوں فیملیوں نے طے کیا ہے کہ جلد منگنی کی تقریب منعقد ہوگی، نکاح اور منگنی کی تقریب کے لیے دونوں خاندان باہمی مشاورت سے تاریخ کا تعین کریں گے۔
جنید صفدر کیمبرج یونیورسٹی کے فارغ التحصیل ہیں اور برطانیہ کی یونیورسٹیوں سے دو ماسٹرز اور دو بیچلرز ڈگریاں حاصل کر چکے ہیں۔
