اگر آپ کو بھی جنک فوڈ پسند ہے تو جان لیں کہ یہ کتنے خطرناک ثابت ہوسکتے ہیں، ماہیرن نے اس حوالے سے خبردار کردیا۔
دنیا بھر میں لاکھوں لوگ ہیں جنھیں جنک فوڈ سے اچھا خاصا لگاؤ ہے اور وہ اسے روز کھانے کی کوشش کرتے ہیں۔ الٹرا پروسیسڈ فوڈز کھانے کی عادت سے چھٹکارا حاصل کرنا ان دنوں کافی مشکل کام ہوتا جارہا ہے اور لوگ نشے کی طرح اس کے عادی ہوجاتے ہیں۔
ماہرین نے خبردار کیا ہے کہ برگرز، آلو کے چپس اور دیگر جنک فوڈز نیکوٹین اور ہیروئن کی طرح نشہ آور ہوتے ہیں اور انھیں کھانے کی عادت کسی نشے کی لت کی طرح ہوتی ہے۔
باقاعدگی سے جنک فوڈ کھانے کا رجحان زیادہ ہونے کے باعث غذائی ماہرین اور محققین اس پر تواتر کے ساتھ ریسرچ کررہے ہیں اور ہوشربا انکشافات سامنے آرہے ہیں۔
نیویارک پوسٹ کے مطابق آئس کریم، بسکٹ، سوسز، کولڈرنکس اور برگرز غیرصحت بخش غذائیں ہیں۔ انھیں کھانے سے نفسیاتی پریشانی اور کینسر جیسے عارضے لاحق ہوسکتے ہیں جب کہ موت کا خطرہ بھی بڑھ جاتا ہے۔
جو کھانے قدرتی ہوتے ہیں ان میں اگر چکنائی اور کاربوہائیڈریٹ زیادہ بھی ہوں تو وہ بہت اعلیٰ قسم کی ہوتی ہے جو انتا نقصان نہیں پہنچاتی۔ گھر کے بنے چپس کھا کر آپ کو اس کی عادت نہیں لگتی لیکن پیکٹ والے چپس کھا کر آپ اس کے عادی ہوجاتے ہیں۔
