لاہور: لاہور ہائی کورٹ کے نئے چیف جسٹس انوارالحق نے اپنے عہدے کا حلف اٹھا لیا، گورنر پنجاب چوہدری سرور نے عہدے کا حلف لیا۔
تفصیلات کے مطابق لاہور ہائی کورٹ کے نئے چیف جسٹس انوارالحق نے اپنے عہدے کا حلف اٹھا لیا، گورنرپنجاب چوہدری سرور نے عہدے کا حلف لیا۔
چیف جسٹس لاہور ہائی کورٹ کی حلف برداری کی تقریب میں ججز، وکلا، وزیرقانون اور صوبائی حکام نے شرکت کی۔
صدر مملکت ڈاکٹرعارف علوی نے گزشتہ روز جسٹس انوارالحق کو لاہور ہائی کورٹ کا چیف جسٹس مقرر کیا تھا۔
صدرپاکستان نے 6 ایڈیشنل ججز کو بھی لاہور ہائی کورٹ کا جج مقرر کیا تھا جن میں جسٹس مجاہد مستقیم احمد، جسٹس اسجد جاوید غزال، جسٹس مزمل اخترشبیر، جسٹس چوہدری عبدالعزیز، جسٹس طارق سلیم شیخ اور جسٹس جواد حسن شامل ہیں۔
واضح رہے کہ جسٹس محمد یاور علی کی ریٹائرمنٹ کے بعد جسٹس انوارالحق کو لاہور ہائی کورٹ کا چیف جسٹس مقرر کیا گیا ہے۔
