نیویارک : جسٹس اطہر من اللہ کا کہنا ہے کہ میری خواہش ہے جب بھی پاکستان میں مارشل لا کا خطرہ ہو عدالتیں کھلی رہیں۔

تفصیلات کے مطابق سپریم کورٹ کے جسٹس اطہر من اللہ نے نیویارک بار خطاب کرتے ہوئے کہا کہ گھرپر ٹی وی دیکھ رہا تھا ایسا ماحول بن گیا تھا جیسے مارشل لا لگنے والاہو، میری خواہش ہےجب بھی مارشل لا کا خطرہ ہو عدالتیں کھلی رہیں۔

سپریم کورٹ کے جج کا کہنا تھا کہ کاش عدالتیں 5 جولائی کوکھلی ہوتی جب ضیاالحق نےمنتخب وزیراعظم کو ہٹایا، کاش یہ عدالتیں 12 اکتوبر 1999 کو کھلی ہوتیں جب مشرف منتخب وزیراعظم کو ہٹا رہا تھا۔

انھوں نے کہا کہ کسی نےپی ٹی آئی حکومت ہٹانےکی کوشش کی ہوتی تو اسلام آباد ہائیکورٹ کا بھی امتحان ہوتا، یہ امتحان اسلام آباد ہائیکورٹ کا ہوتا کہ وہ آئین کی بالادستی کیلئے کھڑی ہوتی یا نہیں۔