اسلام آباد : جسٹس میاں گل حسن اورنگزیب کے القادر یونیورسٹی ٹرسٹ کی رجسٹریشن سے متعلق کیس میں اہم ریمارکس سامنے آئے۔
تفصیلات کے مطابق اسلام آباد ہائیکورٹ میں القادر یونیورسٹی ٹرسٹ کی نئےٹرسٹ ایکٹ کے تحت رجسٹریشن کی درخواست پرسماعت ہوئی۔
اسلام آباد ہائیکورٹ کے جسٹس میاں گل حسن اورنگزیب نے کیس کی سماعت کی، وکیل بانی پی ٹی آئی نے بتایا کہ القادرٹرسٹ کو رجسٹر نہیں کیا جا رہا، عدالت چیف کمشنر کوحکم دے۔
چیف کمشنر اسلام آباد کی جانب سےرپورٹ جمع نہ ہونے پرعدالت نے برہمی کا اظہار کیا، اسلام آباد ہائی کورٹ کے جج نے سوال کیا سرکاری عہدیدار کیوں خوف محسوس کر رہے ہیں؟ سرکاری عہدیداروں کو صرف اللہ کا خوف ہونا چاہیے۔
ہائی کورٹ کے جج نے ریمارکس دیئے ذہن میں رکھیں موجودحکومت صرف 5سال کیلئےاقتدارمیں رہےگی، بانی پی ٹی آئی کل اقتدارمیں آگئےتوپلیٹ میں رکھ کررجسٹریشن کردی جائے گی۔
اسلام آباد ہائی کورٹ نے چیف کمشنر اسلام آباد سے آئندہ سماعت پر دوبارہ رپورٹ طلب کرتے ہوئے سماعت ملتوی کردی۔
