اسلام آباد: جسٹس قاضی محمد امین احمد نے سپریم کورٹ کے جج کی حیثیت سے حلف اٹھا لیا، چیف جسٹس آصف سعید کھوسہ نے ان سے حلف لیا۔

تفصیلات کے مطابق جسٹس قاضی محمد امین احمد کی بطور سپریم کورٹ جج کی تقریب حلف برداری ہوئی جس میں سپریم کورٹ کے ججز، بار کے نمائندے اور سینئر وکلا شریک ہوئے۔

جسٹس قاضی محمد امین احمد نے سپریم کورٹ کے جج کی حیثیت سے حلف اٹھا لیا، چیف جسٹس آصف سعید کھوسہ نے جسٹس قاضی محمد امین سے حلف لیا۔

جسٹس قاضی محمد امین احمد نومبر 2014 سے مارچ 2019 تک لاہور ہائی کورٹ کے جج رہے ہیں۔ ان کی تعیناتی سے سپریم کورٹ میں جج صاحبان کی تعداد 17 ہوگئی ہے۔

جسٹس قاضی محمد امین احمد کی تقرری کی سفارش سپریم کی جوڈیشل کونسل نے کی تھی۔ پارلیمانی کمیٹی کی منظوری کے بعد صدر ڈاکٹرعارف علوی نے تقرری کا حکم نامہ جاری کیا تھا۔