اسلام آباد: جسٹس ثاقب نثارنےچیف جسٹس پاکستان کےعہدے کا حلف اٹھالیا۔صدرمملکت ممنون حسین نے چیف جسٹس کے عہدے کا حلف لیا۔
تفصیلات کےمطابق جسٹس میاں ثاقب نثار ملک کےپچیسویں چیف جسٹس بن گئے۔ایوان صدرمیں صدرمملکت ممنون حسین نے ان سے چیف جسٹس کے عہدے کاحلف لیا۔
چیف جسٹس آف پاکستان کی حلف برداری تقریب میں وزیراعظم نوازشریف،مسلح افواج کےسربراہوں سمیت چیئرمین سینیٹ رضاربانی،اسپیکر قومی اسمبلی سردار ایازصادق وفاقی وزرا اور دیگر ارکان پارلیمنٹ نے بھی شرکت کی۔
جسٹس ثاقب نثار 18جنوری 1954کولاہور میں پیدا ہوئے،میٹرک کیتھڈرل ہائی اسکول لاہور سے کیا اورگریجویشن گورنمنٹ کالج لاہور سے کی،جبکہ قانون کی ڈگری پنجاب یونیورسٹی سے1980 میں لی۔
جسٹس ثاقب نثار22مئی 1998کو لاہور ہائی کورٹ کے جج بنے،18فروری 2010کو سپریم کورٹ آف پاکستان کے جج تعینات ہوئے۔
انہوں نے 3نومبر 2007کو جنرل پرویز مشرف کے پی سی او پر حلف سے انکار کیا،ان کی اہلیہ بھی سندھ ہائی کورٹ کی جج ہیں۔
واضح رہے کہ جسٹس میاں ثاقب نثاردوسال اٹھارہ دن تک چیف جسٹس کے منصب پر فائز رہنے کے بعدسترہ جنوری دوہزار انیس کوریٹائر ہوں گے۔
