ٹورنٹو : کینیڈین وزیراعظم جسٹن ٹروڈو کی اپنے چھوٹے بیٹے کے ساتھ پارلیمنٹ میں لی گئی تصاویر نے سوشل میڈیا پر دھوم مچادی۔
پُر کشش شخصیت کے مالک کینیڈین وزیراعظم جسٹن ٹروڈو لاکھوں کروڑوں لوگوں کے دلوں پر راج کرتے ہیں، جسٹن ٹروڈو اُن خوش نصیب حکمرانوں میں سے ایک ہیں جنھیں اپنے عوام کی بے حد محبت، اعتماد اور حمایت حاصل ہے۔
جسٹن ٹروڈو نے مستقبل کے وزیراعظم کی سیاسی تربیت ابھی سے شروع کردی، وہ سب سے چھوٹے بیٹے کوایک دن اپنے ساتھ پارلیمنٹ لے گئے، جہاں اس معصوم نے سب کا دل جیت لیا۔
جسٹن ٹروڈو نے بیٹے کے ساتھ گزرے خوشگوار لمحات کی تصاویر بھی سوشل میڈیا پر شیئر کر دیں۔
کینیڈین وزیراعظم نے پورا دن اپنے بیٹے کے ساتھ پورا دن گزارا اور پارلیمنٹ میں بیٹے کے ساتھ چھپن چھپائی بھی کھیلا اور دوڑ بھی لگائی۔
مزید پڑھیں : کینیڈین وزیراعظم جسٹن ٹروڈو کی جوانی کی تصاویر نے دھوم مچادی
ننھے ہاڈریئن ٹروڈو کے لیے پورا کا پورا دفتر ہی ان کا میدان تھا، ماربل کی عالیشان راہداریاں اور تاریخی کمروں میں لی گئی تصاویر نے سوشل میڈیا پر دھوم مچادی۔
Pm @JustinTrudeau takes son Hadrian to work to meet mps #cdnpoli #hw pic.twitter.com/WfXbl5vCPS
— JULIE VAN DUSEN (@JULIEVANDUSEN) May 10, 2017
