اسلام آباد : الیکشن کمیشن نےشاہ زین بگٹی کی قومی اسمبلی کی رکنیت ختم کردی ، شاہ زین بگٹی این اے 259 ڈیرہ بگٹی سے کامیاب ہوئے تھے اور طارق محمود نے شاہ زین بگٹی کی کامیابی کو چیلنج کیا تھا۔
تفصیلات کے مطابق الیکشن کمیشن آف پاکستان نے جمہوری وطن پارٹی کے سربراہ نوابزادہ شاہ زین بگٹی کی قومی اسمبلی کی رکنیت ختم کردی اور رکنیت کے خاتمے کا نو ٹیفکیشن جاری کردیا، جس میں کہا اقدام الیکشن ٹریبونل کے فیصلے کی روشنی میں کیا گیا۔
یاد رہے گزشتہ ماہ آخر میں الیکشن کمیشن نے جمہوری وطن پارٹی کے سربراہ نوابزادہ شاہ زین بگٹی کی کامیابی کا نوٹیفیشن کالعدم قرار دے دیا تھا اور این اے 259 کے 29 پولنگ اسٹیشنوں پر دوبارہ انتخابات کرانے کا حکم دیا تھا۔
مزید پڑھیں : الیکشن کمیشن نے شاہ زین بگٹی کی کامیابی کا نوٹیفکیشن کالعدم قرار دے دیا
خیال عام انتخابات 2018 میں این اے 259 ڈیرہ بگٹی سے جمہوری وطن پارٹی کےسربراہ شاہ زین بگٹی کامیاب ہوئے تھے۔
بعد ازاں طارق محمد کیتھران نے دھاندلی پر الیکشن کمیشن میں درخواست دائر کی تھی جسے مسترد کردیا گیا تھا پھر انہوں نے سپریم کورٹ سے رجوع کیا تھا۔
رواں سال اپریل میں سپریم کورٹ نے بلوچستان کے حلقہ 259 میں دھاندلی کے معاملے پر کھیتران کی درخواست پر الیکشن کمیشن اور کامیاب امیدوار شاہ زین بگتی کو نوٹسز جاری کیے تھے۔
