The news is by your side.

کےالیکٹرک نے مہنگی بجلی کا ذمہ دار سوئی سدرن گیس کمپنی کو قرار دے دیا

کراچی : کے الیکٹرک نے مہنگی بجلی کا ذمہ دارسوئی سدرن گیس کمپنی کو قرار دے دیا اور استدعا کی سوئی سدرن کو عدالت کے حکم پر عملدر آمد کی ہدایت کی جائے۔

تفصیلات کے مطابق سندھ ہائی کورٹ میں کےالیکٹرک سے متعلق کیس کی سماعت ہوئی۔

وکیل کے الیکٹرک نے بتایا کہ سوئی سدرن قدرتی گیس کےبجائےآر ایل این جی ایل فراہم کررہاہے، گیس سے 8 گنا مہنگی ہے، جس کی وجہ سے بجلی کی لاگت میں اضافہ ہوتا ہے۔

بیرسٹر ایان میمن نے کہا کہ کے الیکٹرک کوعدالتی حکم کےباوجود مطلوبہ گیس نہیں دی جارہی، سوئی سدرن کو عدالت کے حکم پر عملدر آمد کی ہدایت کی جائے۔

ایان میمن نے مزید کہا کہ ان وجوہات کی بنیاد پر کے الیکٹرک اور کراچی کے شہری متاثر ہو رہے ہیں۔

وکیل کا کہنا تھا کہ سرکاری محکموں کےجواب نہ آنے سےکےالیکٹرک کومشکلات ہیں ، جس کے بعد سندھ ہائی کورٹ نے ایم ڈی سوئی سدرن گیس کو 8 ستمبر تک جواب جمع کرانے کا حکم دے یا۔

بعد ازاں سندھ ہائی کورٹ نے کیس کی سماعت 8ستمبر تک ملتوی کردی ہے۔

Comments

یہ بھی پڑھیں