کراچی کو بجلی فراہم کرنے والی کمپنی کے الیکٹرک نے کہا ہے کہ پچھلے سال سے اب تک بجلی چوروں کے خلاف ہزاروں آپریشن کیے۔
تفصیلات کے مطابق ترجمان کےالیکٹرک کا کہنا تھا کہ بجلی چوری کی روک تھام کیلئے بڑے پیمانے پر کارروائیاں کی ہیں، جولائی 2023 سے اب تک پاور یوٹیلیٹی بجلی چوری کیخلاف 30 ہزار کے قریب آپریشن سرانجام دے چکی ہے۔
ترجمان کے الیکٹرک نے بتایا کہ بجلی چوری میں استعمال ہونے والی 3 لاکھ کلو گرام تاریں ضبط کی گئیں۔
- Advertisement -
کےالیکٹرک نے اپنے نیٹ ورک کی حفاظت کیلئے اسٹریٹیجک اقدامات اٹھائے، بجلی چوری کیلئے استعمال 3 لاکھ 30 ہزار کلو سے زائد کنڈے کی تاروں کو ہٹایا گیا۔
ترجمان کے الیکٹرک کا مزید کہنا تھا کہ ڈسٹری بیوشن ٹیموں نے 2 لاکھ 34 ہزار غیرقانونی کنکشنز کا خاتمہ کیا ہے۔
