کراچی: کے الیکٹرک صارفین کے لیے بجلی فی یونٹ ایک روپے 67 پیسے سستی کردی گئی۔
اے آر وائی نیوز کے مطابق کے الیکٹرک صارفین کے لیے بجلی کے فی یونٹ قیمت میں کمی اپریل کی ماہانہ فیول ایڈجسٹمنٹ کی مد میں کی گئی ہے۔
جولائی کے بجلی کے بلوں میں کے الیکٹرک صارفین کو ریلیف ملے گا۔
کمی کا اطلاق کے الیکٹرک کے لائن لائن صارفین اور الیکٹرک وہیکل چارجنگ اسٹیشنز زرعی صارفین پر نہیں ہوگا۔
واضح رہے کہ وفاقی کابینہ نے بجلی کے فکسڈ چارجز میں اضافے کی منظوری دے دی ہے۔
جس میں گھریلو صارفین کے بجلی بلوں میں ماہانہ ایک ہزار روپے تک چارجز عائد کر دیئے گئے ہیں جبکہ صنعتی صارفین کے لیے چارجز 440 سے بڑھ کر 1250 روپے کردیئے جبکہ کمرشل صارفین کے لیے چارجز 500 سے بڑھ کر 1250 روپے ہوں گے۔
نئے چارجز کے تحت 100 سے 200 یونٹ استعمال کرنے والوں پر فکس چارجز عائد نہیں ہوگا، 301 سے 400 یونٹ تک استعمال کرنیوالے صارفین کو 200 روپے، 401 سے 500 یونٹ تک استعمال کرنے والے صارفین کو 400 روپے فکس چارجز کی مد میں ادا کرنا پڑیں گے۔
اسی طرح 501 سے 600 یونٹ تک بجلی استعمال پر 600 روپے، 601 سے 700 یونٹ تک استعمال پر ماہانہ 800 روپے اور 700 یونٹ سے زیادہ استعمال پر ماہانہ 1000 روپے فکس چارجز عائد کر دیئے گئے۔
ٹائم آف یوز میٹر استعمال کرنے والے گھریلو صارفین بھی ماہانہ 1000 روپے مقررہ چارجز ادا کریں گے۔
