کراچی : ترجمان کے الیکٹرک کا کہنا ہے کہ رمضان المبارک میں شہر میں بجلی کی فراہمی معمول کے مطابق جاری ہے۔
ترجمان کےالیکٹرک کے جاری کردہ بیان کے مطابق ماہ رمضان میں سحر و افطار کے دوران بلا تعطل بجلی فراہم کی جارہی ہے۔
انہوں نے بتایا کہ کے الیکٹرک کے 70 فیصد فیڈرز لوڈ شیڈنگ سے مستثنیٰ ہیں، 30 فیصد فیڈرز پر بجلی چوری، عدم ادائیگی کی شرح کے مطابق بجلی سپلائی جاری ہے۔
ترجمان کےالیکٹرک کا کہنا ہے کہ وقت پر کی گئی بلوں کی ادائیگی لوڈشیڈنگ میں کمی یا مکمل خاتمے کا باعث بنتی ہے۔
مقامی فالٹس کو لوڈ شیڈنگ سے تشبیہ دینا درست نہیں، سلورٹاؤن فیڈر، چکرا گوٹھ فیڈر کا ریکوری ریشو پچھلے سال کے مقابلے میں کم ہوا ہے۔
