کے الیکٹرک میں سالانہ بنیاد پر مہلک حادثات میں کمی کی بجائے اضافہ ریکارڈ

اسلام آباد: کے الیکٹرک سمیت بجلی کمپنیوں میں سالانہ بنیادوں پر مہلک حادثات کی تفصیلات جاری کرتے ہوئے نیپرا نے نشان دہی کی ہے کہ کے الیکٹرک میں سالانہ بنیاد پر مہلک حادثات میں کمی کی بجائے اضافہ ریکارڈ ہوا ہے۔

تفصیلات کے مطابق مالی سال23-2022 میں پیسکو مہلک حادثات کے لحاظ سے پہلے نمبر پر رہی، ایک سال میں پیسکو میں مہلک حادثات میں 41 افراد جاں بحق ہوئے۔

نیپرا دستاویز میں کہا گیا ہے کہ کے الیکٹرک مہلک حادثات کے لحاظ سے دوسرے نمبر پر رہی، جہاں مہلک حادثات میں 2 سال کے دوران 60 شہری جان گنوا بیٹھے ہیں۔

بجلی کمپنیوں میں مہلک حادثات میں 23-2022 میں کل 163 ہلاکتیں ہوئیں، حادثات میں 111 شہری، بجلی کمپنیوں کے 52 ملازمین جاں بحق ہوئے، آئیسکو میں مالی سال 23-2022 میں مہلک حادثات میں 24 ہلاکتیں ہوئیں۔

Comments