The news is by your side.

Advertisement

بلوں کی عدم ادائیگی پر بجلی کی بندش کو لوڈ شیڈنگ نہ کہا جائے: کے الیکٹرک

کراچی: صوبہ سندھ کے دارالحکومت کراچی کو بجلی کے تقسیم کار ادارے کے الیکٹرک کا کہنا ہے کہ بلوں کی عدم ادائیگی يا تکنیکی وجوہات کی بنا پر بجلی کی بندش کو لوڈ شیڈنگ سے تشبیہ نہ دی جائے۔

تفصیلات کے مطابق ترجمان کے الیکٹرک کا کہنا ہے کہ فیول کی قلت کے باعث پیداواری صلاحیت میں کمی آئی ہے، صورتحال سنبھالنے کے لیے چند علاقوں میں لوڈ شیڈنگ کے دورانیے میں اضافہ کرنا پڑ رہا ہے۔

ترجمان کا کہنا ہے کہ صنعتی سرگرمی میں کمی کے باعث رہائشی اور کمرشل علاقوں میں کچھ بہتری کا امکان ہے۔

ترجمان کی جانب سے کہا گیا کہ بلوں کی عدم ادائیگی يا تکنیکی وجوہات کی بنا پر بجلی کی بندش کو لوڈ شیڈنگ سے تشبیہ نہ دی جائے، عید کے دوران بھی کاروباری سرگرمیاں کم ہونے سے سپلائی میں بہتری آنے کا امکان ہے۔

خیال رہے کہ ماہ صیام کے آغاز سے ہی کراچی میں بدترین لوڈ شیڈنگ جاری ہے، شہر بھر میں 12 گھنٹے سے زائد وقت کے لیے بجلی کی بندش معمول بن گئی ہے۔

Comments

یہ بھی پڑھیں