اسلام آباد : کےالیکٹرک اور پاک ایل این جی کے درمیان گیس کی فراہمی کا معاہدہ طے پاگیا، معاہدے کے تحت کے الیکٹرک کو 150ایم ایم کیوبک فٹ ایل این جی فراہم کی جائے گی۔
تفصیلات کے مطابق 900میگاواٹ کے تیسرے بن قاسم پاور پلانٹ کو گیس سپلائی کا معاہدہ طے پا گیا ، وفاقی وزیر توانائی حماد اظہر نے بھی معاہدے کی تقریب میں شرکت کی۔
اس موقع پر سی ای او ایل این جی لمیٹڈمسعودنبی اور سی ای اوکےالیکٹرک مونس علوی نے دستخط کئے ، سرکاری کمپنی کےالیکٹرک کو150 ایم ایم سی ایف ڈی گیس یومیہ سپلائی کرے گی۔
اس حوالے سے وزیر توانائی حماداظہر نے سماجی رابطے کی ویب سائٹ ٹوئٹر پر معاہدے پر دستخط کی تصویر شیئر کرتے ہوئے پیغام میں کہا کہ کے الیکٹرک اور پاک ایل این جی کے درمیان گیس کی فراہمی کا معاہدہ ہوگیا ہے ، پاک ایل این جی کے الیکٹرک کو 150 ایم ایم سی ایف ڈی گیس فراہم کرے گی۔
Pleased to share that the first of its kind GSA between @KElectricPK and @PAK_LNG has been signed. This is for the supply of 150 mmcft LNG to K-Electric. The benefits include enhanced power supply to Karachi. Congratulations to both the entities. pic.twitter.com/j8JPRx0fZd
— Hammad Azhar (@Hammad_Azhar) August 10, 2021
حماد اظہر کا کہنا تھا کہ پاکستان میں اپنی نوعیت کا پہلا گیس کی فروخت کا معاہدہ ہے، معاہدے سے کراچی شہر کو بجلی کی اضافی فراہمی کی راہ ہموار ہوئی ہے، گیس فروخت کے معاہدے پر کے الیکٹرک اور پاک ایل این جی کو مبارکباد پیش کرتا ہوں۔
