The news is by your side.

Advertisement

کراچی والے تیار ہوجائیں : بجلی 5 روپے 27 پیسے مہنگی ہونے کا امکان

کراچی : کے الیکٹرک نے مارچ کی ماہانہ فیول ایڈجسٹمنٹ کی مد بجلی 5 روپے 27 پیسے مہنگی کرنے کی درخواست دائر کردی۔

تفصیلات کے مطابق کے الیکٹرک نے بجلی 5 روپے 27پیسے مہنگی کرنے کی درخواست دائر کردی ، درخواست مارچ کی ماہانہ فیول ایڈجسٹمنٹ کی مد میں دائر کی گئی ہے۔

اضافے سے کراچی کے بجلی صارفین پر 8 ارب 59 کروڑ سے زائد کا بوجھ پڑے گا ، کے الیکٹرک کی درخواست پر 27 اپریل کو سماعت ہوگی۔

یاد رہے گذشتہ روز سی پی پی اے نے مارچ کی فیول ایڈجسٹمنٹ کی مد میں درخواست دائر کی تھی ، جس کے بعد ملک میں بجلی 3 روپے 15 پیسے فی یونٹ مہنگی ہونے کا امکان ہے۔

سی پی پی اے نے درخواست میں کہا تھا کہ مارچ میں 10 ارب یونٹ سے زائد بجلی پیدا کی گئی، پانی سے 16.35 فیصد اور کوئلے سے 24.83 فیصد بجلی پیدا کی گئی۔

سی پی پی اے کے مطابق مارچ میں مہنگے فرنس آئل سے 10.62 فی صد بجلی پیدا کی گئی، مقامی گیس سے 9.53، درآمدی ایل این جی سے 18.87 فی صد بجلی پیدا کی گئی، اور جوہری ایندھن سے 15.01 فی صد بجلی پیدا کی گئی۔

Comments

یہ بھی پڑھیں