کراچی : کے الیکٹرک کا آن لائن بلنگ سسٹم بیٹھ گیا، جس کے باعث صارفین پوسٹ آفس میں لمبی لائنیں لگا کر بل جمع کرانے پر مجبورہوگئے۔
.
کے الیکٹرک کا آن لائن بلنگ سسٹم بیٹھ گیا، جس سے لوڈ شیڈنگ سے ستائے کراچی کے شہری کے ای کے دہرے عزاب میں مبتلا ہوگئے ہیں۔
بینکوں اورآن لائن سسٹم میں رواں مہینے کے بل اپ ڈیٹ نہیں ہوسکے ہیں ، جس کے باعث شہری بینکوں میں دھکے کھانے پر مجبور ہے۔
بینکس صارف کو جواب میں کہہ رہے ہیں آپ کا موجودہ مہینے کا بل اپ ڈیٹ نہیں ہے، بل آپ ڈیٹ نہ ہونے سے بینک بل لینے سے انکار کر رہے ہیں ۔
- Advertisement -
دوسری جانب کے ای نے شہر بھر میں بڑے پیمانے پر نان پیمنٹ پر بجلی کاٹنی شروع کردی، بجلی کاٹنے کی ٹیمیں شہر میں صارفین سے بغیر تصدیق کیے بجلی منقطع کر رہی ہیں۔
