کراچی کو پانی کی فراہمی کے منصوبے کےفور کا پہلہ مرحلہ مکمل ہونے کے بعد شہر کو روزانہ 260 ملین گیلن پانی فراہم کیا جائے گا۔
چیئرمین واپڈا نے کےفور پروجیکٹ کا دورہ کیا اور اہم سائٹس پر تعمیراتی پیشرفت کا جائزہ لیا، چیئرمین واپڈا کو بریفنگ میں بتایا گیا کہ کےفور پروجیکٹ کے پہلے مرحلے کے بعد کراچی کو روزانہ 260 ملین گیلن پانی فراہم کیا جائےگا، پروجیکٹ دو مراحل میں مکمل ہوگا، پہلا مرحلہ جون 2026 میں مکمل ہوگا۔
بریفنگ میں چیئرمین واپڈا کو مزید بتایا گیا کہ کےفور پروجیکٹ کے دوسرے مرحلے کے بعد کراچی کو پانی کی فراہمی یومیہ 390 ملین گیلن ہوگی۔
حکام نے بریفن کے دوران بتایا کہ کےفور پروجیکٹ پر مجموعی پیشرفت 63 فیصد تک پہنچ گئی ہے، کےفور منصوبے پر اب تک 75 ارب 21 کروڑ روپے خرچ ہوچکے ہیں۔
اس موقع پر چیئرمین واپڈا نے کہا کہ فنڈز کی بروقت فراہمی منصوبے کی شیڈول تکمیل کےلیے ناگزیر ہے، فنڈز کی بروقت فراہمی اور تعمیراتی رفتار تیز کرنا ضروری ہے۔
چیئرمین واپڈا کا کہنا تھا کہ سندھ حکومت پمپنگ اسٹیشن کےلیے بجلی فراہم کرے گی، کراچی واٹر اینڈ سیوریج کارپوریشن ڈسٹریبوشن لائنز کی توسیع کی ذمہ دار ہے، چیئرمین نے پروجیکٹ انتظامیہ کو متعلقہ فریقین سے قریبی رابطہ رکھنے کی ہدایت کی۔
