کابل، اتحادی فوج کا فضائی حملہ، 12 داعش جنگجو ہلاک 8 زخمی kabul
The news is by your side.

Advertisement

کابل، اتحادی فوج کا فضائی حملہ، 12 داعش جنگجو ہلاک 8 زخمی

کابل : ضلع ننگر ہار میں اتحادی افواج کے دو علیحدہ علیحدہ فضائی حملوں میں داعش کے 12 کمانڈرز ہلاک اور 8 زخمی ہو گئے ہیں.

تفصیلات کے مطابق ننگر ہار میں فضائی کارروائی میں افغانستان کی ایئر فورس نے بھی معاونت کی جب کہ اس آپریشن میں بری فوج نے بھی اپنا کردار ادا کیا جس کے نتیجے میں 12 جنگو ہلاک اور 8 زخمی ہوگئے ہیں.

افغان میڈیا کے مطابق فضائی حملے میں صوبہ ننگر ہار کے ضلع خوگیانی اور آچین کے علاقوں میں قائم انتہا پسندوں تنظیم داعش کے ٹھکانوں پر کیے گئے جس کے دوران دہشت گردوں کی کمین گاہوں کو مکمل طور پر تباہ کردیا گیا جہاں 4 دہشتگردوں کے ہلاک ہونے کی اطلاع ہیں.

علاوہ ازیں خوگیانی کے علاقے وزیر تنگی میں کیئے گئے فضائی حملے میں انہوں نے کہا کہ غیرملکی افواج نے فضائی حملے کیے جس میں داعش کے 8 جنگجو مارے گئے.

افغان صوبائی گورنر کے ترجمان نے دہشت گردوں کی ہلاکت کی تصدیق کرتے ہوئے میڈیا کو بتایا کہ فضائی حملے انٹیلی جنس بیسڈ معلومات کی بنیاد پر کیے گئے تھے اور انتہا پسندوں کی موجودگی کی مصدقہ اطلاعات کے بعد دو مختلف مقامات پر فضائی حملہ کیا گیا تھا.

ترجمان افغان حکومت کا کہنا تھا کہ ہلاک و زخمی ہونے بوالے جنگجوؤں کی تاحال شناخت نہیں ہو سکی ہے تاہم حلیے سے ازبک لگتے ہیں جب کہ زخمیوں کو حراست میں لے لیا گیا ہے۔

Comments

comments

یہ بھی پڑھیں