The news is by your side.

Advertisement

کابل ایئر پورٹ پر مسافر سے جھگڑا، پی آئی اے کنٹری منیجر کی گرفتاری و رہائی

پاکستانی سفارتخانے نے ضمانت ہر رہائی دلوائی، پی آئی اے ہیڈ آفس نے اپنے ملازم سے کوئی تعاون نہیں کیا

کابل : افغانستان میں مسافر نے جھگڑے کے بعد پی آئی اے کے کنٹری منیجر کو گرفتار کرادیا، پاکستانی سفارتخانے نے ضمانت ہر رہائی دلوائی، پی آئی اے ہیڈ آفس نے ملازم سے کوئی تعاون نہیں کیا۔

تفصیلات کے مطابق لندن سے اسلام آباد کی کابل سے کنٹکنگ فلائٹ میں افغان مسافر اپنے قیمتی موبائل سے محروم ہوگیا، سامان سے موبائل چوری ہونے پر مسافر نے کابل ائیر ہورٹ پر شور شرابا کردیا۔

اس موقع پر پی آئی اے عملے سے مسافر کی تلخ کلامی بھی ہوئی، بعد ازاں مذکورہ مسافر نے پی آئی اے کے کنٹری منیجر کے خلاف کابل پولیس کو شکایت درج کرادی۔

ذرائع کے مطابق کابل پولیس نے مسافر کی شکایت پر کارروائی کرتے ہوئے کنٹری منیجر کمال عامر کو حراست میں لے لیا۔ کنٹری منیجر نے اپنی حراست سے متعلق پی آئی اے ہیڈ آفس اور پاکستانی سفارت خانے کو بھی آگاہ کیا۔

رابطے کے باوجود پی آئی اے ہیڈ آفس نے اپنے ملازم سے کسی قسم کا کوئی تعاون نہیں کیا لیکن پاکستانی سفارت خانے نے پی آئی اے کے منیجر کی ضمانت کروائی، مسافر کو 24 گھنٹے میں چوری ہونے والے سامان واپس دلوانے کی یقین دہانی کرائی گئی۔

Comments

comments

یہ بھی پڑھیں