وفاقی وزیر مواصلات عبدالعلیم خان نے کہا ہے کہ کاغان ناران، جھال کھنڈ، بابوسرٹاپ اور قراقرم ہائی وے ٹنل تک رابطہ شاہراہ بنے گی۔
وزیرمواصلات، نجکاری اور سرمایہ کاری بورڈ عبدالعلیم خان عالمی کانفرنس کیلئے بیجنگ پہنچ گئے، چین کے وزیر ٹرانسپورٹ لی ژیاپینگ سے وفاقی وزیر علیم خان کی ملاقات و تفصیلی مذاکراتی سیشن ہوئے ہیں، پاکستان اور چین کے درمیان دونوں وزرا نے 4 بڑے منصوبوں پر مل کرکام کرنے پراتفاق رائے کیا ہے۔
وفاقی وزیرٹرانسپورٹ نے بتایا کہ چین کےوزیرٹرانسپورٹ سےان منصوبوں کےفنانشل ماڈل پربھی گفتگوہوئی، شاہراہ قراقرم کے فیزٹو کے لئے بھی چین سے باہمی تعاون حاصل ہوگا، ان چاروں بڑے منصوبوں کیلئے پبلک پرائیویٹ پارٹنرشپ پر بھی غور ہوگا۔
چائنیزوزیرٹرانسپورٹ نے کہا کہ پاکستان کے لئے دوطرفہ تعاون چین کی لازوال دوستی کا عملی ثبوت ہوں گے۔
وفاقی وزیرعلیم خان نے کہا کہ چین اور پاکستان مل کر ایم ایل ون اور ایم 6 اور ایم 9 کے منصوبوں پر کام کرینگے۔
دونوں وزرا کے درمیان سی پیک منصوبوں کے”مسنگ لنک” کی تعمیر بھی مکمل کرنے پر تفصیلی گفتگو ہوئی، علیم خان نے کہا کہ سی پیک کے بینر تلے سارے منصوبے قابل عمل اور دوطرفہ تعاون کو فروغ دینگے۔
وفاقی وزیرنے کہا کہ بیجنگ چین میں انٹرنیشنل ٹرانسپورٹ کانفرنس میں مزید مثبت پیشرفت سامنے آئیگی، چین کے وزیرٹرانسپورٹ سے سکھر، حیدرآباد اور کراچی تک موٹروے کی تعمیر پر بھی بات ہوئی۔
