قومی ویمن کرکٹر جویریہ خان نے بھی کہانی سنو اپنی سریلی آواز میں گنگنا دیا۔
اے آر وائی ڈیجیٹل کے پروگرام ’دی فورتھ امپائر ایکسپریس‘ میں قومی ویمن کرکٹر جویریہ خان اور منیبہ علی نے شرکت کی اور میزبان کی جانب سے پوچھے گئے سوالات کے جوابات دیے۔
پروگرام میں جویریہ خان نے کیفی خلیل کا مشہور گانا ’کہانی سنو‘ میں اپنی آواز میں گنگنایا۔
یوٹیوب پر ویڈیو نشر ہوتے ہی صارفین کی جانب سے جویریہ خان کی آواز کی تعریف کی جارہی ہے۔
دوسری جانب منیبہ علی سے بولنگ سیگمنٹ میں سوال کیا گیا کہ ’ان میں کون بہتر وکٹ کیپر ہیں؟ انہیں تین آپشنز دیے گئے جن میں کامران اکمل، سرفراز احمد اور محمد رضوان شامل تھے۔
منیبہ علی نے کہا کہ سرفراز بھائی اچھے وکٹ کیپر ہیں۔
پروگرام میں میزبان فیضان شیخ نے دونوں کرکٹرز سے کرکٹ سے متعلق سوالات بھی پوچھے جس کے جوابات انہوں نے باآسانی دے دیے۔
