اے آر وائی ڈیجیٹل کے ڈرامہ سیریل ’کیسی تیری خود غرضی‘ میں احسن اور مہک کا رومینٹک سین مداحوں کو بھا گیا۔
ڈرامہ سیریل ’کیسی تیری خود غرضی‘ کی چوتھی قسط نشر کی گئی جسے مداحوں کی جانب سے خوب سراہا جارہا ہے ڈرامے کی کہانی دانش تیمور (شمشیر)، درفشاں سلیم (مہک) اور حماد شعیب (احسن) کے گرد گھومتی ہے مہک کے کزن احسن اس سے محبت کرتے ہیں جبکہ شمشیر اپنے رعب اور دبدے کی بنیاد پر اسے حاصل کرنا چاہتے ہیں۔
مہک سے کزن احسن محبت کا اظہار کرتے ہیں جسے مہک بھی خلوص دل سے قبول کرلیتی ہیں۔
نکاح کی بات ہونے کے بعد مہک احسن کو گھر بلاتی ہیں اور کہتی ہیں کہ ’میں تو خودکشی کرنا چاہتی ہوں اس بدنامی کے بعد میں اور کیا کرسکتی ہوں۔‘
اس پر مہک احسن کو سمجھاتے ہیں اور اپنی محبت کا اظہار بھی کرتے ہوئے کہتے ہیں کہ ’بچپن میں جب میں سائیکل سے گرتا تھا تو تم نے مجھے سائیکل چلانا سکھائی جب بڑا ہوا تو کتابوں سے ڈر لگتا تھا تو تم مجھے حساب سمجھاتی تھیں۔‘
وہ کہتے ہیں کہ لیکن تم یہ نہیں جانتی میں سائیکل چلانا جانتا تھا اور میتھ بھی مجھے آتی تھی میں صرف تمہاری توجہ حاصل کرنے کے لیے یہ سب کرتا تھا تھوڑا شرمیلا تھا ناں اس لیے محبت کا اظہار نہیں کرسکا تھا۔
احسن مزید کہتے ہیں کہ ’لیکن میں یہ نہیں جانتا کب سے بس اتنا جانتا ہوں کہ تم سے بے پناہ محبت کرتا ہوں کیا تم مجھے قبول کرو گی اس مہک بھی اثبات میں سر ہلاتے ہوئے مسکرا دیتی ہیں۔‘
ڈرامے کی پانچویں قسط کے پرومو میں دکھایا گیا کہ احسن کے نکاح سے انکار کرنے کے بعد مہک ٹوٹ گئی ہے اور ان کے والدین بھی اس اچانک انکار پر حیران رہیں لیکن احسن بھی شمشیر کی دھمکیوں میں آنے کے بعد اتنا بڑا فیصلہ کرتا ہے۔
