بالی وڈ کی معروف اداکارہ کاجول اسٹیج سے اترتے ہوئے لڑکھڑا کر گر پڑیں جس کی ویڈیو سوشل میڈیا پر وائرل ہوگئی۔
اداکارہ کاجول ایک مذہبی تقریب کے دوران اسٹیج سے اتر رہی تھیں کہ اس دوران ان کا پاؤں الجھا اور وہ اسٹیج سے نیچے گریں مگر ساتھ کھڑی بہن نے انھیں تھام لیا۔ اس دوران ان کا موبائل بھی ہاتھوں سے نکل کر دور جاگرا۔
میڈیا رپورٹس کے مطابق پنڈال کے اسٹیج سے اترنے کے دوران لڑکھڑا گئیں تاہم وہ زخمی ہونے سے بچ گئیں۔ اس دوران ان کا بیٹا بھی اسٹیج کے نیچے ہی کھڑا تھا۔
اپنی فلموں میں چل بلے کردار ادا کرنے کے لیے معروف کاجل اسٹیج سے اترنے کے دوران موبائل فون پربات کررہی تھیں۔ سامنے ہی ایک شخص وہیل چیئر پر بیٹھا تھا۔
اس سے قبل کہ کاجول وہیل چیئر والے شخص سے ٹکراتیں ان کی بہن تنیشا مکھرجی اور بیٹے یوگ نے انھیں سنبھالا۔
واضح رہے کہ اس مذہبی تقریب میں بالی وڈ کی دیگر ادکارائیں بھی موجود تھیں جن میں ہیمامالنی، ایشا دیول، کیارا ایڈوانی اور رانی مکھرجی سمیت دیگر شامل ہیں۔
