ممبئی: بھارتی اداکار اور فلمی ناقد کمال راشد خان نے دعویٰ کیا ہے کہ شاہ رخ خان کے بیٹے کے بعد اب عامر خان اور سلمان خان بی جے پی کی ہٹ لسٹ پر ہیں۔
بھارتی اداکار کمال راشد خان المعروف کے آر کے نے سماجی رابطے کی ویب سائٹ ٹویٹر پر لکھا کہ ’میرے ذرائع کا بتانا ہے کہ مزید دو خان بھارتیہ جنتا پارٹی (بی جے پی) کی ہٹ لسٹ پر ہیں۔
کمال راشد خان کا کہنا ہے کہ وہ ستارے بی جے پی کا اگلا ہدف ہوسکتے ہیں جن پر پہلے ہی کچھ کیسز چل رہے ہیں۔
According to my sources 2 more khan stars are on the hit list of #BJP and that star is the very next target of #BJP who is already having few cases. He might go to jail soon!
— KRK (@kamaalrkhan) October 18, 2021
انہوں نے یہ بھی دعویٰ کیا کہ یہ دونوں خانز جلد ہی جیل بھی جاسکتے ہیں۔
واضح رہے کہ گزشتہ دنوں کمال راشد نے شاہ رخ خان کے بیٹے آریان خان کی درخواست ضمانت پر فیصلہ محفوظ ہونے کے بعد دعویٰ کیا تھا کہ آریان کی زندگی کو خطرہ ہے۔
انہوں نے لکھا تھا کہ ’این سی بی آریان خان کو 20 اکتوبر تک جیل میں رکھنے میں کامیاب ہوگئی۔‘
کمال راشد نے لکھا تھا کہ ’مطلب یہ کہ آریان خان کو ایک جہنم سے گزرنا ہے، امید ہے کہ وہ اس ناقابل برداشت درد کو بہادری سے برداشت کرپائیں گے۔‘
مزید پڑھیں: ’آریان خان کی زندگی کو خطرہ ہے‘
انہوں نے مزید لکھا کہ ’میری دعائیں ان کے ساتھ ہیں کیونکہ ان کی زندگی کو خطرہ ہے۔‘
یاد رہے کہ ممبئی کی خصوصی عدالت میں گزشتہ دنوں آریان خان کی درخواست ضمانت پر سماعت ہوئی تھی، جج نے وکلاء کے دلائل سننے کے بعد فیصلہ محفوظ کر لیا تھا
جج کا کہنا تھا کہ محفوظ فیصلہ 20 اکتوبر کو سنایا جائے گا، اُس وقت تک آریان خان جیل میں رہیں گے۔
یاد رہے کہ آریان خان 2 اکتوبر سے پولیس کی حراست میں ہیں، ان پر ممبئی کے کروز شپ تک ممنوعہ منشیات لے جانے کا الزام لگایا گیا ہے۔
