ملتان: ڈیبیو پر شاندار سنچری اسکور کرنے والے کامران غلام نے کہا ہے کہ 4 سال سے یہ سلسلہ چلتا رہا، سوچا تھا جب چانس ملے گا اسکور کرونگا۔
انگلینڈ کے خلاف دوسرے ٹیسٹ میں بابر اعظم کی جگہ قومی ٹیم کا حصہ بننے والے مڈل آرڈر پاکستانی بلے بازکامران غلام نے پریس کانفرنس کرتے ہوئے کہا کہ کافی دیر سے انتظار کررہا تھا اللہ کا شکر ہے سنچری اسکور کی۔
کامران غلام کہا کہنا تھا کہ میں نے مثبت کرکٹ کھیلی جیسے فرسٹ کلاس میں کھیلتا آرہا تھا، چانس کا ویٹ کررہا تھا پریشر تو ہوتا ہے پاکستان ٹیم میں کھیلنے کیلئے بےچین تھا۔
پاکستانی بیٹر نے کہا کہ ذہین میں تھا کہ اچھے سے اچھا کرنا ہے، جب میں وکٹ پر آیا تو ٹیم کے 2 کھلاڑی آؤٹ ہو چکے تھے پریشر تو تھا۔
کامران غلام نے مزید کہا کہ ذہن میں تھا کہ اپنی نیچرل کرکٹ کھیلنا ہے میری توجہ پوری طرح کھیل پر مرکوز تھی، اللہ کا شکر ادا کرتا ہوں اپنے ملک کیلئے کھیل رہا ہوں۔
خیال رہے کہ پانچ سالوں بعد ٹیسٹ ڈیبیو پر کسی پاکستانی بیٹر نے سنچری اسکور کی ہے اس سے قبل اپنے ڈیبیو پر اوپنر عابد علی نے سنچری اسکور کی تھی۔
