اسلام آباد : گورنر سندھ کامران ٹیسوری کا کہنا ہے کہ عہدے آنے جانے ہوتے ہیں، کوئی ساری زندگی ان پرنہیں رہتا، لیکن ایسے کام کرکے جانا چاہیے کہ لوگ آپ کو یاد رکھیں۔
تفصیلات کے مطابق گورنر سندھ کامران ٹیسوری نے اسلام آباد میں گفتگو کرتے ہوئے کہا کہ میں امام مسجد نبوی کی آمد پر انکا شکریہ ادا کرتا ہوں ، انکے اس دورے کی برکت سے ملک کے مسائل حل ہوں گے۔
کامران ٹیسوری نے بتایا کہ گورنر شپ کے حوالے سے کل خالد مقبول اور فاروق ستار کا بیان سامنے آگیا ہے ، عہدے آنے جانے والے ہوتے ہیں ، ساری زندگی کوئی نہیں رہتا ، لیکن ایسے کام کرکے جانا چاہیے کہ لوگ آپ کو یاد رکھیں۔
انھوں نے کہا کہ گورنر ہائوس میں پچاس ہزار بچے آئی ٹی کورس مکمل کرنے جا رہے ہیں اور چھ سو سے آٹھ سو ڈالر کما رہے ہیں اس پر اگر کسی کو تکلیف ہے تو کچھ نہیں کہے سکتا، سیاست بہت ہو چکی اب عوام کو کچھ دینے کا وقت ہے
گورنر سندھ کا کہنا تھا کہ کل میں نے ساڑھے چھ بجے میں نے یوم آزادی کی پریس کانفرنس کی اور رات آٹھ بجے مخصوص ٹکرز چلنا شروع ہوگئے، ان ٹکرز چلانے والوں کو بتانا چاہتا ہوں کہ ان چیزوں سے میں گھبرانے والا نہیں۔
انھوں نے مزید کہا کہ گورنر ہائوس کے دروازے کھلے ہیں ، حیدرآباد میں آئی ٹی یونیورسٹی شروع ہونے جارہی ہے ، اسکے بعد سکھر اور کئی شہریوں میں آئی ٹی یونیورسٹی کھولیں گے، جب تک منصب پر ہوں خدمت کا۔کام جاری رکھوں گا
سندھ کے گورنر کا کہنا تھا کہ میں خدمت پر یقین رکھتا ہوں ، ہمیں سیاست نہیں کرنی ، ملک سنگین معاشی حالات سے گزر رہا ہے ایسے میں سیاست نہیں کرنی چاہیے۔
انھوں نے بتایا کہ چودہ اگست بڑے جوش و خروش سے منایا جائےگا، گورنر ہاوس میں تقریباً دس لاکھ افراد آئیں گے، یوم آزادی کے پروگرام میں عاطف اسلم ، یوم آزادی کے پروگرام میں عاطف اسلم عوام کے لیے پرفارم کریں گے۔
