اسلام آباد : خیبرپختون خواہ کا نوجوان کامیاب جوان پروگرام سے قرض ملنے پر خوشی سے نہال ہوگیا اور کہا وزیراعظم عمران خان خود بھی خوبصورت ہیں اور ان کا دل بھی خوبصورت ہے۔
تفصیلات کے مطابق وزیراعظم کی ہدایت پر نواجوانوں میں قرض کی تقسیم میں تیزی آگئی اور بلا تفریق قرضوں کی تقسیم سے نوجوانوں میں روزگار کی فراہمی کاعمل بھی تیز ہوگیا ہے، حکومتی تعاون سے 11ہزارسےزائدنوجوانوں نے ذاتی روزگارحاصل کرلیا۔
خیبرپختونخواکےرہائشی محمدنواز کا برسوں پرانا خواب بھی پورا ہوگیا، محمد نواز نے کہا کہ وزیراعظم خودبھی خوبصورت ہیں اوران کا دل بھی خوبصورت ہے، پہلےبھی حکومتیں دیکھیں مگرکسی نےغریب کااحساس نہیں کیا، پہلی بارکسی حکومت نےغریب کےبارےمیں سوچا۔
وزیراعظم عمران خان خود بھی خوبصورت ہیں اور ان کا دل بھی خوبصورت ہے! خیبرپختون خواہ کا نوجوان کامیاب جوان پروگرام سے قرض ملنے پر خوشی سے نہال! کہا پہلے بھی حکومتیں دیکھیں مگر کسی نے غریب کا نہیں پوچھا پہلی بار کسی حکومت نے غریب کا احساس کیا ہے! دیکھئے محمد نواز کے جذبات اور تاثرات pic.twitter.com/EJQv6rdcVG
— Usman Dar (@UdarOfficial) June 19, 2021
سربراہ کامیاب جوان پروگرام عثمان ڈارنےمحمدنواز پربنی ڈاکیومنٹری جاری کر دی ، جس میں بتایا گیا کہ کیسے محمدنوازنے قرض کی حاصل رقم سےڈیری فارمنگ کا کام شروع کیا۔
محمدنواز نے اپنے پیغام میں کہا کہ بہت عرصےسےروزگارکی تلاش میں تھامگر وسائل نہیں تھے، حکومت نےپیسےدیےتواپنا روزگارکامسئلہ حل ہو گیا، عمران خان سے پیارہے، کامیاب جوان ٹیم اوروزیراعظم کاشکرگزار ہیں۔
اس موقع پر معاون خصوصی عثمان ڈار کا کہنا تھا کہ نوجوانوں کوروزگارکی فراہمی کامشن پوراہو رہاہے، نوجوانوں کوبرسر روزگاردیکھ کرخوشی محسوس ہو رہی ہے۔
وزیراعظم نےکہاہےکہ نوجوانوں کوبااختیاردیکھناچاہتےہیں اور وزیرخزانہ بھی نوجوانوں میں رقم کی تقسیم تیزکرنےکےخواہشمندہیں، انشااللہ چند ماہ میں رقم کی تقسیم کودوگناکر دیں گے۔
