اسلام آباد : کامیاب جوان پروگرام کے تحت قرض حاصل کرنے والے نوجوانوں کی تعداد میں نمایاں اضافہ ریکارڈ کیا گیا ،فرخ حبیب کا کہنا ہے کہ ملک بھر میں 18ہزار نوجوانوں کو کاروبار کے لیے 22ارب روپیہ دیاجاچکا ہے۔
تفصیلات کے مطابق کامیاب جوان پروگرام کے ذریعے نوجوانوں کو روزگار کی فراہمی کا سلسلہ جاری ہے، قرض حاصل کرنے والے نوجوانوں کی تعداد میں نمایاں اضافہ ریکارڈ دیکھا گیا۔
اس حوالے سے وزیر مملکت برائے اطلاعات و نشریات فرخ حبیب نے سماجی رانطے کی ویب سائٹ ٹوئٹر پر اپنے پیغام میں کہا کہ وزیراعظم نوجوانوں کوباعزت روزگار کی فراہمی کےلیےکوشاں ہیں اور کامیاب جوان پروگرام کےذریعے قرضوں کی تقسیم تیز کر دی گئی اور اب تک 18ہزار سےنوجوانوں میں 22 ارب سے زائد رقم تقسیم کی جاچکی ہے۔
وزیراعظم عمران خان نوجوانوں کو بااختیار اور باعزت روزگار کی فراہمی کے لیے کوشاں ہے
کامیاب جوان پروگرام کے تحت ملک بھر میں 18ہزار نوجوانوں کو کاروبار کے لیے 22ارب روپیہ دیاجاچکاہے
اہل خانہ کی کفالت سے لےکر گھریلو اخراجات اور لئے گئے قرض پراقساط کی ادائیگی تک سب کچھ ممکن ہو رہاہے pic.twitter.com/7KVmSjSTyn— Farrukh Habib (@FarrukhHabibISF) August 24, 2021
فرخ حبیب کا کہنا تھا کہ نجی بینکوں کوقرض کی تقسیم میں رکاوٹیں ختم کرنے کا ٹاسک دیاہے اور حکومتی سطح پر بھی منصوبےکی شفافیت اورمیرٹ کی نگرانی کر رہے ہیں، پروگرام روزگار کی فراہمی کا سب سے بڑا حکومتی منصوبہ بن چکا ہے۔
وزیر مملکت نے کہا کہ پاکستانی جاب مارکیٹ میں کامیاب نوجوانوں کااضافہ خوش آئند ہے، نوجوانوں کووسائل کی یکساں فراہمی پرحکومت کی پالیسی واضح ہے، وزیراعظم کےوژن کی تکمیل تک نوجوانوں کی معاونت جاری رکھیں گے، غیر جانبداری، میرٹ اور شفافیت پر عثمان ڈار مبارکباد کے مستحق ہیں۔
دوسری جانب معاون خصوصی عثمان ڈار نے ٹوئٹر پر اپنے پیغام میں کہا کہ 72سال میں کسی حکومت نے نوجوانوں پر اس طرح سرمایہ کاری نہیں کی ،سرمایہ کاری کی ہوتی تو ہزاروں نوجوان ملکی بلکہ عالمی مارکیٹ جگہ بنا چکے ہوتے، کاروبار اور روزگار کیلئےوزیراعظم کا وژن اور حکومت کے اقدامات مثالی ہیں۔
پچھلی 72 سالہ ملکی تاریخ میں کسی ایک حکومت نے بھی اپنے نوجوانوں پر اس طرح سرمایہ کاری کی ہوتی تو ایسے ہزاروں نوجوان نہ صرف پاکستانی بلکہ بین الاقوامی جاب مارکیٹ تک جگہ بنا چکے ہوتے! کاروبار اور روزگار کے آغاز کیلئے وزیراعظم عمران خان کا ویژن اور موجودہ حکومت کے اقدامات مثالی ہیں! pic.twitter.com/WwXhWfzIso
— Usman Dar (@UdarOfficial) August 24, 2021
