ممبئی: بالی وڈ کی اداکارہ کنگنا رناوٹ نے کنگ شاہ رخ خان سے متعلق بیان سوشل میڈیا پر وائرل ہوگیا۔
بھارتی اداکارہ کنگنا فوٹو اینڈ شیئرنگ ایپ انسٹاگرام پر اسٹوری پر فلم جوان کا پوسٹر شیئر کیا اور لکھا کہ نئی فلم ‘جوان’ دیکھنے کے بعد کہا کہ شاہ رخ خان سنیما کے وہ دیوتا ہیں جن کی بھارت کو ضرورت ہے۔
اداکارہ نے لکھا کہ 90 کی دہائی میں رومانوی لڑکے سے لے کر ایک دہائی بعد شاہ رخ خان نے خود کو 40 اور 50 برس کی عمر کے شائقین کے ساتھ جوڑا۔
ان کا کہنا تھا کہ شاہ رخ خان اب 60 سال کی عمر میں بھارت کے اعلیٰ ترین اداکار بن کر ابھرے ہیں، یہ اصل زندگی میں بھی ان کے ہیرو ہونے کی نشانی ہے۔
بولی وڈ کے ’بادشاہ‘ کہلانے والے اداکار شاہ رخ خان کی میگا بجٹ فلم جوان ریلیز کردی گئی، خیال کیا جا رہا ہے کہ جوان نہ صرف شاہ رخ خان بلکہ بولی وڈ کی بھی پہلی فلم بنے گی جو سب سے کم وقت میں 500 کروڑ روپے کمائے گی۔
فلم میں شاہ رخ خان کے ہمراہ جنوبی بھارتی اداکارہ نیانتھرا، سانیا ملہوترا، سنیل گروور اور یوگی بابو سمیت اداکار شامل ہیں۔
فلم کی ہدایات اتلی نے دی ہیں اور خیال ظاہر کیا جا رہا ہے کہ جوان بولی وڈ انڈسٹری کے لیے نیا راستہ بنانے والی فلم ثابت ہوگی اور یہ کمائی میں سب سے آگے نکل جائے گی۔
