کینبیرا: آسٹریلیا میں رگبی میچ کے دوران کینگرو کی گراؤنڈ میں آمد کے باعث میچ روکنا پڑ گیا جس کی ویڈیو سوشل میڈیا پر وائرل ہوگئی۔
تفصیلات کے مطابق آسٹریلیا میں گرمیوں کے موسم میں کھیلے جانے والے رگبی کے ٹورنامنٹ میں ویسے تو دلچسپ واقعات دیکھنے میں آتے ہیں تاہم اس بار کچھ انوکھا واقعہ پیش آیا جس نے سب کی توجہ اپنی جانب مبذول کرالی۔
دفاعی چیمپئن اور آئرلینڈ کی ٹیموں کے مابین میچ جاری تھا کہ اچانک کھیل کو روکنا پڑا جس کی وجہ کوئی جھگڑا نہیں بلکہ میدان کے قریب واقع جنگل ٹھہری کیونکہ وہاں سے ایک کینگرو اچھلتا کودتا میدان میں داخل ہوگیا۔
میچ کی کوریج کرنے والے کیمرہ مین نے اس تمام منظر کی ویڈیو اپنے پاس محفوظ کرلی جس میں دیکھا جاسکتا ہےکہ کینگرو کی گراؤنڈ میں آمد کے ساتھ ہی خواتین کھلاڑی اپنی جگہ پر حیرانی کے عالم میں کھڑے ہوکر خاموشی سے سارا منظر دیکھتی رہیں، اس دوران منتظمین نے بھی کوئی اقدامات نہیں کیے۔
"And racing away for a length of the field try is…….a kangaroo????”
How cool was this from a League Tag game today between Parkes and Nyngan in Group 11.@WesternRams @nickmcgrath4 @NRLFootyShow @FOXNRL @fanfoxleague @AndrewVossy @MattyShowsFox @theprofessorsys pic.twitter.com/EpybStNUDJ
— NRL Roast (@TheNRLRoast) May 20, 2018
کینگرو اچھلتا کودتا میدان کے ایک طرف سے داخل ہوا اور کچھ ہی دیر میں وہ گراؤنڈ کے دوسری طرف بھاگتا نظر آیا اور اچانک قریبی جنگل میں داخل ہوکر کہیں غائب ہوگیا۔ اس تمام واقعے کے بعد کھیل کو مختصر وقفے کے بعد شروع کیا گیا۔
