پاکستان پیپلزپارٹی کے چیئرمین بلاول بھٹو زرداری کی جلسے میں خطاب کے دوران زبان پھسل گئی جس پر ناصرف سوشل میڈیا صارفین بلکہ فنکاروں نے بھی میمز بنانا شروع کردیں۔
اسلام آباد میں عوامی مارچ سے خطاب کے دوران بلاول بھٹو زرداری کی ویڈیو اس وقت وائرل ہوگئی جس میں وہ کارکنان سے خطاب کے دوران ’کانپیں ٹانگ رہی ہیں‘ کہہ گئے۔
بلاول کی ویڈیو وائرل ہونے کے بعد جہاں سوشل میڈیا صارفین مزاحیہ میمز بنانے لگے وہیں شوبز شخصیات نے بھی دلچسپ میمز بنانا شروع کردیں۔
اداکارہ فاطمہ آفندی نے ایک مزاحیہ ویڈیو بنائی جو کہ انسٹاگرام پر وائرل ہورہی ہے اور کیپشن میں انہوں نے لکھا کہ ’میری تو کانپیں ٹانگ رہی ہیں۔‘
صاحبہ ریمبو نے بھی بلاول بھٹو کی ویڈیو شیئر کرتے ہوئے لکھا کہ آخر کس کی کانپیں ٹانگ رہی ہیں؟
View this post on Instagram
اداکارہ صبور علی نے بلاول کے جملے کو اپنی سردی میں لی گئی تصویر سے جوڑا اور لکھا کہ سردی سے کانپیں ٹانگ رہی ہیں۔
اس دوران اداکارہ عائزہ اعوان بھی پیچھے نہ رہیں اور انسٹااسٹوری شیئر کرتے ہوئے مداحوں سے پوچھا کہ ہاں بھئی کس کس کی کانپیں ٹانگ رہی ہیں؟
