بالی ووڈ انڈسٹری کے نامور اداکار کنول جیت سنگھ نے پاکستانی ڈرامہ انڈسٹری کی تعریف کے ہے۔
بالی ووڈ انڈسٹری کے نامور اداکاراؤں کو پاکستان ڈراموں اور کاسٹ کی تعریف کرتے ہوئے دیکھا گیا ہے حال ہی میں بھارتی فنکار کنول جیت سنگھ نے بھی پاکستان ڈرامہ انڈستری کی تعریف کی ہے۔
اداکار کنول جیت سنگھ نے ایک بھارتی میڈیا کو انٹرویو دیا جس میں انہوں نے بتایا کہ ان دنوں کس طرح بھارت میں پاکستانی ڈرامے دن بہ دن مقبول ہو رہے ہیں۔
کنول جیت سنگھ نے پاکستانی ڈراموں میں ادا کیے جانے والے کرداروں اور کہانیوں کی تعریف کرتے ہوئے کہا ہے کہ پاکستانی ڈراموں کی کہانیاں بے حد مضبوط اور سبق آموز ہوتی ہیں، وہاں کی کہانیاں بہت غضب ناک لکھی جاتی ہیں۔
View this post on Instagram
کنول جیت سنگھ کا کہنا ہے کہ پاکستان کا سنیما ہم سے کم ہے لیکن ان کا (ٹیلی ویژن) ڈرامہ انڈسٹری ہم سے کئی زیادہ بہتر ہے۔
اداکار کا کہنا تھا کہ میں نے ماضی میں اداکارہ بشریٰ انصاری کے ساتھ کام کیا تھا، بھارت سے مجھے پاکستان جانے کی اجازت نہیں ملی تھی اس لیے اس کی عکس بندی بینکاک میں کی گئی تھی۔
واضح رہے کہ کنول جیت سنگھ نے فلم جوانی پھر نہیں آنی کے سیکوئل میں نواب کا کردار نبھایا تھا، اس فلم میں ہمایوں سیعد، فہد مصطفیٰ، واسع چوہدری، احمد بٹ، ماورا حسین، کبریٰ خان، ثروت گیلانی اور سہیل احمد جیسی بڑی کاسٹ شامل تھی۔
