مشہور بھارتی مزاحیہ پروگرام ’دی کپل شرما شو‘ کے میزبان کپل شرما اور ان کے ساتھی فنکار سنیل گروور کے درمیان 6 سال کے بعد ناراضگیاں ختم ہوگئیں۔
آن لائن ویڈیو اسٹریمنگ ویب سائٹ نیٹ فلکس انڈیا کے سوشل میڈیا اکاؤنٹ سے جاری ایک پروموشنل ویڈیو میں 6 سال بعد سنیل گروور اور کپل شرما کو ایک ساتھ دیکھا جاسکتا ہے۔
ویڈیو میں دیکھا جاسکتا ہے کہ کپل شرما آن لائن ویڈیو اسٹریمنگ ویب سائٹ کیلئے اپنے آنے والے شو کے حوالے سے بتاتی ہیں کہ فریم میں سنیل گروور بھی شامل ہوجاتے ہیں اور اپنا تعارف کرواتے ہیں۔
View this post on Instagram
پھر دونوں ایک دوسرے سے پوچھتے ہیں کہ کیا تم بھی آ رہے ہو؟ جس کے بعد اعلان کرتے ہیں کہ ہم ایک بار پھر دونوں ساتھ ہی آجاتے ہیں۔
ویڈیو میں کپل شرما نے کہا کہ ہم 190 ممالک میں آ رہے ہیں، جس پر سنیل گروور دورہ آسٹریلیا کے دوران ہونے والے جھگڑے کی طرف اشارہ کرتے ہوئے کہتے ہیں کہ نہیں ہم آسٹریلیا نہیں جائیں گے۔
سوشل میڈیا پر جاری ویڈیو میں دی کپل شرما شو کے دیگر کاسٹ ارچنا پورن سنگھ، کرشنا ابھیشیک، کیکو شردھا اور راجیو ٹھاکر بھی شامل ہوجاتے ہیں اور ایک بار پھر کپل شرما شو کی پرانی ٹیم ایک ساتھ نظر آتی ہے۔
خیال رہے کہ 2017 میں سنیل اور کپل میں سنگین نوعیت کا جھگڑا ہوگیا تھا جس کے بعد سنیل گروور نے شو چھوڑ دیا تھا۔
